加拿大安省垃圾分類｜三種回收桶｜4個size｜加拿大生活
加拿大係一個環保意識很高的國家，特別在垃圾分類和回收方面，佢哋非常有系統。係加拿大垃圾分類係一門學問，不過睇完嚟篇文章之後，相信大家都對垃圾分類嘅認識加深左，只要每次抌垃圾之前用多一兩秒，諗清楚垃圾袋放去邊個位，垃圾分類都唔會嘥好多時間。每個省份和城市都有自己的垃圾分類制度，今日就講下安省既垃圾分類。
藍色垃圾桶（Blue Bin）：可回收垃圾
藍桶係用嚟收集所有可回收嘅垃圾，包括玻璃、塑膠、軟膠、泡沫膠、金屬、紙製品、紙板等等。嚟啱啱講啲例子，如 : 玻璃樽、各款飲品樽、紙盒罐頭、食品包裝、塑膠盒、紙盒、洗滌用品樽罐、油漆罐、噴霧樽、玻璃樽、鋁紙、鋁罐、鐵罐、報紙書籍等等。要留意唔好將電燈泡、玻璃杯、玻璃窗等物品放落藍色垃圾桶度。
綠色垃圾桶（Green Bin）：食物垃圾、廚餘
綠色垃圾桶適合放所有的廚餘和食品垃圾，例如 :水果和蔬菜皮、米飯麵條、魚肉骨頭、咖啡渣、茶葉渣、衛生巾、嬰兒尿布、寵物糞便，以及被食物污染的紙張和紙巾等。居民可以用塑膠袋裝有機垃圾，但唔好封口，因為處理廠需要剝離塑膠袋。
綠桶只有一個尺寸，一般要求每週裝入的垃圾重量不超過20公斤。綠色垃圾桶是由於食物垃圾，容易腐爛有異味，所以每週收一次。
＊請注意，嬰兒濕紙巾、化妝棉、棉花棒和牙線等不屬於綠色垃圾桶。
黑色垃圾桶（Black Bin）：不可回收垃圾
黑色垃圾桶係收集所有唔可以回收嘅垃圾，包括被食物污染嘅鋁箔、蠟紙、唔可以回收嘅禮物包裝、被污染嘅塑膠製品、木屑等等。黑色垃圾桶分為特大、大、中、小四種尺寸，除咗小號桶之外，如用其他尺寸，政府就會收取一定嘅垃圾收集費用。
另外，有啲垃圾嘅處理同其他垃圾唔同，有害垃圾唔可以放入黑色垃圾桶，例如電池、燈泡、唔用嘅電話、煤氣罐等等。有害垃圾必須投放到 Drop-off Depot (社區回收中心)。
Condo / Apartment
一般用垃圾槽，棄置垃圾前選擇類別，再放進垃圾槽。
Town House 和 House
就通常由業主/物業管理處將垃圾桶交給租戶。根據 Solid Waste Management Services，係一個按費率收費嘅計劃，居民要按照自己垃圾桶嘅大小付費 (以體積計算)，目的係鼓勵居民將垃圾分類。垃圾桶越大嘅居民要比越多費用。
Solid Waste Management Services 嘅費用唔單止用嚟住宅垃圾收集，亦包括回收、庭園垃圾、有機垃圾、超大件同金屬物品、電子產品等等。同時亦資助城市廣泛嘅清潔工作、社區環境日、街道同公園垃圾桶收集、垃圾堆放場、永久維護關閉嘅垃圾填埋場等等。
如果要翻新屋企、拆屋或者長期旅行（6個月或以上），可以暫停垃圾收集服務。期間市政府會移除你嘅垃圾桶。等你準備好恢復服務，就可以再重新 restart 服務。
