加拿大常見網上騙案 | 假扮做政府官員、銀行職員 ? | 電話詐騙、網上營銷詐騙、電郵/SMS 詐騙
![加拿大常見網上騙案 | 假扮做政府官員、銀行職員 ? | 電話詐騙、網上營銷詐騙、電郵/SMS 詐騙](https://woorieducationhk.com/wp-content/uploads/2023/05/Blog_Tal-01.png)
越來越多人受害於網絡詐騙,下面就來就紹幾種不同的詐騙方式。 喺加拿大,最常見嘅網絡詐騙案,主要有三種:電話詐騙、網上營銷詐騙同埋訊息 (電郵/SMS) 詐騙。
1. 電話詐騙
通常有啲人假扮做政府官員、銀行職員、或者係UPS快遞,打嚟話你有法律問題或者欠款要你支付罰款或者提供個人資料。佢地會用恐懼或者恐嚇嘅手法,要你立即支付一定金額,等你比左錢之後就會消失。
![加拿大常見網上騙案 | 電話詐騙](https://woorieducationhk.com/wp-content/uploads/2023/05/4-3.png)
2. 網上買嘢詐騙
呢種詐騙嘅形式係喺網上購物平台度進行,有啲人會賣假貨或者根本冇發貨。建立一個看似正規嘅網站,或者用虛假帳號吸引消費者落單購買產品。但係一旦你付完錢,佢地就唔會履行交易,消失無影。
![加拿大常見網上騙案 | 網上買嘢詐騙](https://woorieducationhk.com/wp-content/uploads/2023/05/6.png)
3. 訊息 (電郵/SMS) 詐騙
詐騙分子會假扮成可信嘅機構或公司,發送一封看似合法嘅電郵比你。通常會模仿銀行、網上支付平台、社交媒體網站或者政府機構嘅樣式同埋標誌,話你需要更新個人資料、確認帳戶安全或者解決其他問題。呢啲郵件通常會有個連結,希望你去虛假網站上提供個人資料,例如用戶名、密碼、銀行帳號或者信用卡號。佢地會用各種手法,例如 : 緊急情況、獎勵或者威脅,誘使你點擊連結或者提供個人資料。一旦你進入虛假網站或者提供個人資料,佢地就可以用你嘅資料進行身份盜竊、網絡詐騙或者其他非法活動。又或者好似微信女咁,扮 send 錯左 message 比你,引你同佢傾計。
![加拿大常見網上騙案 | 訊息(電郵/SMS)詐騙](https://woorieducationhk.com/wp-content/uploads/2023/05/7-2.png)
![加拿大常見網上騙案 | 訊息(電郵/SMS)詐騙](https://woorieducationhk.com/wp-content/uploads/2023/05/9-1.png)
![加拿大常見網上騙案 | 訊息(電郵/SMS)詐騙](https://woorieducationhk.com/wp-content/uploads/2023/05/8-2.png)
可以留意下,每個城市既電話開頭3個字其實就係 Area code,例如 : 多倫多既電話開頭就係 416、647、437
呢啲只係加拿大嘅一啲常見網絡詐騙案例,而且詐騙分子係時常改變策略同手法嘅。加拿大政府同執法機構一直都努力提高公眾對網絡詐騙嘅警覺性,同埋提供相關嘅教育同預防措施。作為消費者,我哋都要保持警覺,要喺網上交易或者提供個人資料之前仔細檢查同埋驗證相關嘅資訊,遵守安全嘅網絡使用同埋網購原則。如果你有任何懷疑或者遇到網絡詐騙,記得要即刻報警或者搵當地反詐騙機構幫手。
![2022 Top 10 Riskiest Scams Types](https://woorieducationhk.com/wp-content/uploads/2023/05/Fraud.png)